• Na reunión, presidida polo alcalde, Valentín Calvín, e a subdelegada do Goberno na Coruña, María Rivas, tratáronse outros temas relacionados coa seguridade cidadá ou a violencia de xénero.
O alcalde de Ortigueira, Valentín Calvín, e a subdelegada do Goberno na Coruña, María Rivas, presidiron esta mañá a Xunta Local de Seguridade para abordar cuestións de seguridade cidadá e protocolos de actuación para o futuro celebrarase no municipio durante o verán.
Ademais de Calvín e Rivas, asistiron representantes da Garda Civil, Policía Nacional, Policía Local, Demarcación de Costas, Protección Civil e a comisión organizadora do Festival Internacional do Mundo Celta de Ortigueira.
No encontro, os presentes trataron temas de seguridade cidadá, repasando a situación actual do municipio; violencia de xénero, ou o dispositivo de seguridade para a gran cita do verán en Ortigueira como é o festival celta.
Respecto deste último, establecéronse bases e pautas mínimas de seguridade para garantir que o evento se desenvolva sen incidentes, baseados na cooperación entre institucións para facer do Festival Internacional do Mundo Celta un espazo totalmente seguro.
